Mynta ka sngi ka 9 tarik Jymmang 2022 na ka liang ka Khasi Students' Union (KSU) Laitkor Unit hapoh ka jingïalam u Organising Secretary u samla Julius Mawrie, Assistant Secretary Samla Banehskem Mawrie, President Samla Kyrmenlang Mawrie Bad ha kane ka sngi la ia don lang bad ki nongkitkam ka KSU Mawsing Unit.

  Ka KSU Laitkor Unit ka laïoh ruh ban sam da ka shithi jing maham sha ki skul baroh kiba hap ha shnong Laitkor Pyllun na ka bynta ki khynnah skul da kaba maham ba kim bit ban dei dih duma, sikret bad ban dih kino ki kynja pynbuaid kum ka kiad, drok bad kiwei kiwei ki jingdih pyn buaid.

  Ka Seng ka kyntu ruh ïaki khynnah skul ba ki dei ban riam don akor don burom haba dei bad ka uniform skul bad ban kren ruh da ki ktien don akor don burom.

Na ka liang ka Seng kala maham tyngeh ïa kino kino kiba leh pyrshah bad lada lap ka Seng kan ym map hynrei kan ai da ka jingsneng kaba tyngeh, pynkut ka kyrwoh naka KSU Laitkor Unit.