Ki Symboh ummat sngewnguh kim shem labiang ban pyn ia hap tara ryngkat ki rngi ba tyngshaiñ tam ba phi la noh ha ki mawjam ka jingim jong phi. Watla ka kyrta ba dang rit eh phi la leitnoh, hynrei ki symbai ba phi la bet kin nang iai ithuh paw bad iai saindur bad tyngshaiñ ha ki syrdeng ki tympan sur pring jong ki lyngwiar jingieid pynsyaid mynsiem ki Rympei khasi. Ki mawpun bad ki kyrdon ka lynti ba phi lam shaduh tyngkhong ïng kin long ka sngi ka jingjop bad kin pynsah ia ka Maia bad yn iai kynmaw pateng la pateng katba ka sngi ka dang shat ha u Lum Shyllong.

U Dongmusa haka KSU Rangthong unit u dang sah tdem bad ki jingiwbih kiba thiang jongphi kin iai sah. Ban niew lut iaki sohthiang ngi sngew kala jrong bad shimpor bha, Phi la leit noh hynrei phim shym lah ieh thylli pat,phi lasei pat ia ka jinglenlade ia ka unit la ha ka miet kaiong, ka siaw ka sian, ka akor ka burom, ka kohnguh sneng bad ka mynsiem ka ba khuid bad jai jai, bad ngi tip shai ba ki symboh kiba phi la sharai kin pynkyndit bynriew iangi ki bym pat ih por ba ngin bud tynneng bad ri iaki ha ryngkat ka jingialong kawei bad khamtam ka suk ka sain ka ri bad jaid bynriew baroh kawei.

Haka kyntang iawai,kum ka KSU Rangthong unit,Ngi phah iaphi samla ryngkat ka Duwai ka phirat ban phin leitsuk leitsain,bad to nang iai kyrkhu ha lynti Iaid jong ngi nabynta ban tei ia ka Bha- ka Miat ka trep u hynñiew skum. Kum ka seng ngi kular skhem ba ngin ym klet ia phi bad ngin don ha syndah ruh bad ka iing ka sem jong phi.

Ngi phah ruh ka kyrwoh sngewlem sha ki ba ieid thep mynsiem baroh ,ki ba ha ïng ha sem,ki kur ki Kha, ki lok ki jor baroh, ba lyngba ki kam ba bha ba u la leh kin pyntngen bad pynjem ia ki dak mong ba sngewsih jongngi baroh. Kum ka KSU Rangthong unit ngi ngeit skhem ba u Blei Trai Kynrad un nang iai pyntngen ia phi ha ryngkat ka jingkyrkhu kyrdoh ka ba kyrpang bad ba janai ia phi ka iing ha sem baroh, namar phi la ri la sumar ia u ha ki sngi ki por baroh mynba u dang don lang bad phi. Ngim don ei ei ban ai hynrei tang kum ka dak sngewlem nabynta jong phi,ngi ngeit phin pdiang iakane.

Leitsuk Samla DEIME( BOY) Jingkynmaw kin iai sah junom🙏🙏.

                              Khublei shibun khublei shi hajar nguh

  Samla Saindurlang syiemlieh

 President KSU Rangthong unit 

Samla Iasohlang Nongrem General Secretary KSU Rangthong unit