Ha ka  2 tarik U Risaw 2021 ka KSU kala ioh ban pynthymmai iaki ar tylli ki tnat treikam kata ka KSU Lawse Unit bad ka KSU Nongsohlait Unit bad iakane ka jingpyn thymmai  la pynlong ha madan shnong Lawse hakaba la pyn tiansmai ruh haka juh ka por. 

Kine ki Unit ki hap hapoh ka jingpeit jing khmih jong ka KSU West Khasi Hills lyngba ka  KSU Nongstoin circle, haka ne ka sngi U Samla John fisher Nongsiang u President ka KSU West Khasi Hills District Unit bad u ba dei ruh u Executive Member ka KSU Central Executive Council u la shim iaka bynta ba kongsan ban pyntian smai ia ki ne ki artylli ki Unit bad ha kajuh ka por u la ai ruh  ki kyntien sneng kyntien kraw ia ki dkhot, u la ong ruh ba ka jing ieid iaka jaidbynriew ka dei ban sdang nala iing bad kan nym myntoi lada  ngim don ka jing ieid  bad ngim don ka jing kitkhlieh ha laiing shwa hynrei shabar iing ngi pyrta ieid jaidbynriew . 

La ioh ruh ka jing kren na u Sordar jongka shnong Lawse haka ba u la pynkynmaw ruh ia ka mynnor jong ka jingialeh jongka seng iaki issue bad khamtam eh ha ka por ba ka seng ka beh iaki mynder ha u snem 1987 haka por ba I Bah Bull lyngdoh (bam kwai ha dwar u Blei) u dang long kum u President jongka seng. 

Haka ne ka jing ialang la iadon lang ruh ki nongialam jongka Nongstoin circle ba kynthup ia u Samla Wanbhakupar  Lyngdoh Nonglait u ba dei U Vice President ka KSU Nongstoin Circle u ba pyniaid ruh iakane ka jing ialang u samla Phira dondor Marbaniang Vice President ka KSU Upper New-Nongstoin Unit bad kiwei kiwei bad kumjuh I samla Mixstarwell Samakha u ba dei u Finance secretary ka KSU West Khasi Hills District Unit u bala ai jingkren ha kane ka sngi. 

U samla Korbarlin Nongsiej u la bat kum u President  bad u Samla Pynwanlang Thongni u la bat kum u General Secretary ba thymmai jongka Lawse Unit ha ryngkat ki ar phew wei ngut ki dkhot bad ki executive members, haka ba iadei bad ka Nongsohlait Unit u Samla Ronald Sohshang u la bat kum u President bad u Samla Wadlad Marweiñ kum u General Secretary ba thymmai jong kane ka Unit haryngkat ka jing ia donlang jong ki khatsaw ngut ki dkhot bad ki executive members.