Ka Khasi Students' Union (KSU) Nongthymmai circle myn haka 18tarik Nohprah 2021 ka lah pynkup burom da ka "U Soso Tham Acedemic Award 2020-21" iaki samla pule ba wan shakhmat haki kyrdan pule bapher bapher. 

Ha kane ka sngi la Sam ruh iaki khusnam sha ki nongjop haka jingiakop rwai online ba la pynlong da ka Cultural cell Jong ka KSU Sengkmie. Ia ka jingialang pynkup burom la pyniaid da u General secretary ka KSU Nongthymmai circle samla Richard Mawkhiew, u President ka KSU Nongthymmai circle samka Eric Nongkynrih u ai iaka welcome speech.

 U nongialam ba hakhlieh duh Jong ka KSU samla Lambok S Marngar u la long u Kongsan ha ryngkat u President barim ka KSU sengkmie Bah Daniel Khyriem kum u Symbud Kongsan. La nang pynphuh shuh shuh iakane ka sngi da ka jingiadonlang jong I Parish priest ka Nongthymmai Parish Rev Fr Glorious Syiemlieh, I MLA ka Nongthymmai Bah Charles Pyngrope, I MLA ka Mawryngkneng Bah Pyniaid S Syiem, I Dr Jemino Mawthoh i badei u MLA barim, ki kmie ki kpa jong ki samla pule bad ki nongbishar jong ka Ka Rynsan Iakob Rwai (Online) 2021 kata ki Kaitor ba paw Jong ka jaitbynriew naduh I Bah Maxter Warjri, I Kong Catherine Pyngrope bad Bah Timmy Kharhujon.

La iadon ruh ki bahaiing Jong I (L) Rana Kharkongor, (L) Skendrowell Syiemlieh bad (L) R.Waroh Pde kiba ka seng ka la pynkup burom ia ka jingnoh synñiang jong kine ki Kaitor sha ka jaitbynriew namar iaka online singing competition la rwai tang iaki jingrwai Jong kine ki Kaitor ban pynsah nam iaki.