Ka Khasi Students' Union North Khasi Hills District Unit myn haka 10tarik Nohprah 2020 kala ïoh ban pynskhem ïaka Lumsohphoh Mawbishar Unit kaba hap hapoh ka Umsning circle.

Ha katei ka nohphai sngi la pyntiansmai ïaki Samla jong katei ka Unit da u Samla Biangbor L.Paliar u ba dei u Vice President ka KSU Sengkmie ha ka jing ïadon ryngkat lang ki Nongïalam ka NKHD Unit naduh u Samla Ferdynald Kharkamni President , Lambok Rymbai General Secretary, Samla Lezter Nongbet Publicity Secretary bad kiwei pat ki Nongïalam na District bad Circle.

             Ha shwa ban pynskhem pura ïaki dkhot jong katei ka Unit kala don ka jingïalang bala pynïaid da u Samla Lester Nongbet General Secretary jong ka KSU Umsning Circle bad ha kajuh ka por uba dei ruh u Publicity Secretary jong ka NKHD Unit,laïoh ïaka jingkren ba nyngkong na u Samla Vincent Makri uba dei u Assistant Finance Secretary jong ka NKHD Unit,haka jingai jingkren ula kyntu ïa kine ki Samla ba haba ki ïatrei kam ki dei ban ïa sngewthuh jingmut namar ki long kiba ïatreilang namar ki hap ban long kum ki païa ki ban kyrshan ïaka ïing namar kan ym lah ban long ba yn don tang lai tylli ki païa kiban kyrshan ïaka ïing hynrei kin hap don beit 4tylli khnang ba kan lah ban ïeng beit.Ha kane ka sngi la ioh ruh iaka jingkren na u Secretary jong katei ka Shnong,uba la pynpaw ka jing sngewkmen ba ki Samla jong ka Shnong kila kloi ban mih shakhmat ban iasoh bad ka KSU.La ïoh ruh ka jingkren na u Samla Stevenson Kharkrang uba dei u Organising Secretary jong ka NKHD Unit uba la kyntu ïaki Samla ba pynïasoh thymmai ba kin long kiba shlur bad kiba kloi ban mih shakhmat haba ka Seng ka donkam ïaki bad ula kyntu khamtam ba kim dei ban long ki mawjynthud ïaki bor shnong bor thaw hynrei ki dei ban ïatrei ryngkat ryngkat kumju ruh bad ki Seng Longkmie bad Seng Samla .Laïoh ruh la jingkren na u Samla Jayand Sylliang uba dei u Assistant General Secretary jong ka NKHD Unit uba la pynkynmaw ïaki Samla ba ym baroh kaba stem ka dei ka Ksiar kumta ruh kine ki Samla kim dei ban sngewthuh bakla ba ki Seng Bhalang baroh kim long kumjuh hynrei ka KSU kadei ka Seng kaba pher bad haba ki wan ïasoh bad ka KSU kidei ban kynmaw ba kin ym ïoh tulop lymne la KSU kam lah ban ai kam aijam ïaki hynrei ka don ban ai tang kumno ba kin don ka mynsiem ban ieid ïala ka Ri bad ka Jaidbynriew. Laïoh jingkren ruh na u Samla Lambok Rymbai uba dei u General Secretary hong ka NKHD Unit uba la pynkynmaw ïaki Samla ba kin hap ban long phikir ïala ka khyndew ka shyiap namar ki nongwei nong ar ki peit kliaw sha kine ki lum Khasi baieid jong ngi namar ba ka Ri Khasi kadei ka Ri jong ka Dud bad ka Ngap kumta ki kwah ban ïoh wan khlong wan kjit lada kin ïohlad.

       Hashwa ban pynskhem la ïoh ruh ïaka jingkren na u Samla Ferdynald Kharkamni President NKHD Unit uba la pynshai bad pynsngewthuh ïaki dkhot ka Unit shaphang ka jingïaleh bad ïakhun ka Jaidbynriew Khasi haduh mynta na ka bynta ka daw bah ka Jaidbynriew ka KSU lyngba ki dkhot jong ka ïai ïengskhem bad ïa kynduh shibun ki jing eh.

Haba shim ia ka bynta ban pyntian smai ia ki tei ki samla u Samla Biangbor L Paliar u la pynkynmaw ba kum ka Jaidbynriew ngim dei ban kynran dien hynrei ban iai don ka mynsiem ïakhun namar 48 tylli ki snem ka jylla jong ngi ka dang lyngkrang bad ki bor sorkar ki la shim sting palat hynrei kum ki samla ka Jaidbynriew ngin hap ban buh ia ki mat dawa ba kin urlong shisien ka sngi,naka liang utei u nongïalam ula pynpaw ka jing bynñiaw ba kum ka Jylla ngi la jan kynjoh sha u mawmer ba 50snem pynban ngi dang long ka Jylla ka bym tip nangno sdang bad hangno kut u Pud u Sam jong ka Jylla,khatduh ula kyntu ïa kine ki Samla ba kin skhem ka nongrim bad ba kin ai kaba bha naki ba bha tam ïala ka Ri bad ka Jaidbynriew.

Ia ka Lumsohphoh mawbishar Unit la ialam da u Samla Ïohbor Kharmuti kum u President bad Samla Pynshngaiñ Rani kum General Secretary ha ryngkat ki 18 ngut ki dkhot.