Ha ka 19 tarik Nailar 2023, la ioh ban pynkha ia ka Nongmynraw-Mawlangriang Area Unit ka ba hap hapoh ka jingpeit jong ka KSU Nongstoin Circle na ka bynta ka samoi trei kam 2023-2026.

Ϊa katei ka jingialang la pyniaid da u Samla Phiradondor Marbaniang (Organising Secretary KSU Nongstoin Circle). Kumjuh ruh ha katei ka jingialang la pynskhem ia ki nongkitkam la ioh ruh ia ki kyntien sneng bad kyntu ia ki dkhot bala shim smai na ki sordar shnong jong ka shnong Mawlangriang i bah Ambrosius Kharbani bad i bah Phindarjohn Nongdkhar sordarshnong Nongmynraw, nalor jong kitei ki rangbah shnong la ioh ruh ka jing kyntu bad ialam jing mut na ki nongialam ka seng kiba kynthup ia i Samla Wilbest Wanniang (President KSU Nongstoin Circle), Samla Franklinroy Syiemiong (General Secretary KSU West Khasi Hills District Unit), Samla Richest Malngiang (Asst. Education Secretary KSU CentralExecutiveCouncil).

Ha kane ka sngi ϊa ki nongialam bad ki dkhot jong ka unit la pynskhem bad pyntian smai da u Samla Spaindarsing Lyngkhoi (Office Secretary KSU Central Executive Council).

Haba ai jingkren hakatei ka jingpynskhem ia ki nong ialam na ka liang jong u sordar shnong Mawlangriang u la kyntu ia ki dkhot bad nongkitkam jong ka seng ban iatreilang bad ki bor shnong bad kumjuh ruh ban pyni ia kita ki mat ba ka seng ka ïeng khamtam ban pyni ia ka lynti kaba dei bad ka nuksa ba bha ba ka shnong ka thaw kan ai ka jingshaniah.

Bad kumjuh ruh na ka liang jong u samla Wilbest Wanniang u la pynkynmaw ia ki nongrim jong ka seng ba ki don ha ki lai bynta kata 1. ban kyntiew 2. ban iada bad 3. ban pynneh pynsah ia ki matti jong ki long shwa man shwa bad khlem da don kano kano jingmyntoi shimet.

U samla Richest Malngiang ha ka jingai jingkren jong u la pynkynmaw ruh ia ki dkhot jong ka seng ba kim dei ban shah jop haka thma pyrkhat namar ha ki juk kiba mynshwa ki ialeh thma da ka wait ka stieh hynrei mynta ngi hap ban ialeh da ka bor jingstad ka bor pyrkhat.

Kumjuh ruh na ka liang jong u Samla Spaindarsing Lyngkhoi hadien bala dep pyntian smai u la ai ki kyntien sneng bad kyntu ia ki dkhot ba kum ki samla ba dang biang ka por ngi dei ban khih ban ksar kumba ka bor pyrkhat ka dang khlaiñ bad wat ap ba ka por kan dir bad ngin sa shah kynnoh ha ki long dien ba aiu ngi ki long mynta ngi la leh na ka bynta ka lawei jong ka pateng pakit?.