Ka Khasi Students Union (KSU) lyngba ki lai Unit kata Mynriang Unit Nonghali Unit Bad Diengpsapoh Unit kiba hap ha poh Jylli treikam jong ka Mawryngkneng Circle ha ka 22 tarik Nohprah 2023 ka la ioh ban Sam biang ia ka Khusnam ne ithuh Sha ki Samla Pule ki ba la passed bha ha ki Examination 2022-2023 na duh ka SSLC/HSSLC bad Degree level Kum shi bynta ban pyn shlur ia ki Samla ka Dong Ka thain bad ai Mynsiem ia ki ba kin nang kiew Shaphrang ha ki jing pule. 

Ha kane ka sngi la pyniaid ia kane ka lympung jing sam award da u Samla Dalum Kharpran Education Secretary Mawryngkneng circle la ioh ruh ka jing duwai na i Samla J. J. Lyngkhoi General Secretary Mynriang Unit bad ka jing kren pdiang na u Samla Ricky Suting President KSU Nonghali unit nangta la ioh ruh ka jing kren na i Samla Shining Kharbihkhiew President Mawryngkneng Circle ha ka ba i la kyntu ia ki Samla pule ba kin minot ia ka jing pule kumjuh ruh ban ri la ka akor ka burom na duh ha ka riam ka beit ka kren ka khana bad la ioh ruh ka jing kren na U Babu Rigimon Mawthoh U Rangbah Dong Ka Shnong Diengpsapoh ha ka ba u la kyntu ia ki Samla pule ba kin trei shitom namar dei tang ka jing nang jing stad ka ba lah ban khanglad ia ka jing rung kyrthep ki Mynder Ri lyngba ki kam ki jam ba ngi bat. 

Kumjuh la ioh ruh ka jing kren na U Samla Edie Malngiang Asst Organising Secretary CEC ha ka ba la pyn shlur ia ki Samla pule ba kin iai khun tyngeh ba kynjoh sha ka thong bad ban poi sha khmat khang ba kin ioh lad ban kiew ha ki kyrdan ki ba sha khmat. Ha kane ka Sngi la ioh ban sam ia ki award sha ki 15 ngut ki Samla Pule ki ba passed bha ha ki examination SSLC /HSSLC bad ki Degree level 

La ioh ruh ka jing kren ai khublei na i Samla Jeffery Kharpran President KSU Diengpsapoh Unit. 

Kane ka long ka kum ka kyrwoh khubor ba la phah da U Samla Dalum Kharpran Education Secretary KSU Mawryngkneng Circle.