Ka Khasi Students' Union (KSU) Umwai Unit ha ka 19tarik, Nohprah 2020 ka la ioh ban pynkup burom da ka Khusnam 1st Mait Shaphrang Award ia ki shiphew ngut ki samla pule jong ka shnong kiba wan shakhmat ha ki examin bapher bapher jong u snem 2020, ha katei ka sngi ka KSU Umwai Unit ka laioh ruh ban pynkup burom kyrpang ia ki samla pule kiba ioh ia ka mark kaba heh ha ka Subject Khasi. 

Ka KSU Umwai Unit ka sam ia katei ka Khusnam ka dei kum shibynta ban pynurlong ia ka jingthmu ka seng KSU ban kyntiew ia ka pule ka puthi bad ban ai mynsiem ia ki samla Khasi ban trei minot ha ka jingpule jong ki khnang ba ka Ri ka Jaidbynriew jong ngi kan nanglah ban sei ia shibun ki khraw pyrkhat bad ki proh jabieng ki ban kit shisha ia ka khia ka shon jong ka Ri ka jaidbynriew hi baroh kawei. Ha katei ka sngi ladon ryngkat u MDC ka Shella Constituency, Bah Teinwell Dkhar kum u kongsan, bad ki nongialam ka KSU Sengkmie samla Reuben A. Najiar Asst Education sengkmie kum u symbud kongsan, Samla Osternic Marbaniang Organising Secy KSU sengkmie, samla Badon Nongbri Asst Office Secy Sengkmie, Samla Reebokstar Diengdoh President KSU South Khasi Hills District, samla Edmund Khongsyad General Secretary KSU South Khasi Hills District bad lah ia don lang ruh u Sirdar ka shnong Umwai, Bah Tyngshaiñ Wanwar bad I Bah Stephanson Laloo Acting Sirdar jong ka Hima Mawlong. 

Ki kyrteng ki samla pule jong ka shnong Umwai kiba lashah pynkup burom ha katei ka sngi ha seng KSU Ummai Unit ki long kumne harum:-

1. Rilang Larngap.

2. Therisa Wankhar.

3. Tipshai Wankhar.

4. Mandarita Jitem. 

5. Mebarihun Sohkhlet.

6. Naphisabet Sohkhlet.

7. Andistar Jitem.

8. Donborlang Rynga.

9. Ibanjeline Sohkhlet.

10. Kynpham Sohkhlet.