Myn haka step jong ka 16tarik Naitung 2021 ka Khasi Students' Union RIST-USTM Unit kala phah da ka shithi lyngba ka e-mail sha u Academic Registrar jong ka University of Science and Technology (USTM), U Dr. A. H. Brabhuiaya ban pynkynmaw ïa kane ka skulbah ban burom bad ai shuti ïka lyngkhuh sngi khlad jong u Syiem Tirot Sing .

Ha kane ka shithi ka Seng kala pynpaw ba ka skul bah USTM ka khlem ai shuti haka  sngi khraw jong u Thomas Jones uba dei u kpa jong ki dak thoh khasi. Shuh shuh ka Seng kala pynkynmaw ba ka USTM ka khlem buh ïaka sngi shuti jong u Soso Tham ha ka Holiday List jong kane ka skulbah

Lyngba kane ka kyrwoh, ka Seng ka pynpaw ïaka jing bitar ba kane ka skulbah kam ju burom ïaki sngi khraw ka ka Jaidbynriew pynban ka burom ïaki sngi khraw jong ka jylla Assam ki bym don jing ïateh eiei bad ka Jaidbynriew Hynñiewtrep Hynñiewskum jong ngi.

Ka seng ka ai khublei kyrpang ruh ia ka KSU Northern Border Area kaba lah shim khia lang haba iadei bad kane ka mat.