Ka Khasi Students' Union North Khasi Hills District Unit ka la ïoh ban pyntian smai ïa ki samla na ka Shnong Nongjri unit ha ka 30 Risaw 2020 kaba hap ha ka jingpeit jingkhmih ka Umsning circle.

La ïoh ban pyntian smai ïa ki dkhot ka KSU Nongjri Unit da u Readyon Stone Nongrum, Asst General Secretary ka KSU Sengkmie ha jingiadon ryngkat lang u Eric Nonkhynrih u nongpeit nongkhmih ka KSU NKHD, ki dkhot Nongialam jong ka KSU NKHD, naduh u samla Vincent Makri, Banjop Maring, Stevenson Kharkrang, Augustine Nongbri, Peterson Kylla lem bad ki dkhot ka KSU Umsning Circle.

Ha kane ka nohphai sngi lah wan ban pyn shngaiñ ia ka jingialang da u Bah B Nongkseh, u Chairman ka Nongjri Town Durbar.

Haba ai jingpynskhem ïa ki dkhot ka unit u Samla Readyon Stone Nongrum u lah kyntu kynpham bad ai Mynsiem ba baroh ki dkhot ka Jaidbynriew ki dei ban bud ïa ka nuksa I Riewkhraw Meiieid Spility Lyngdoh Langrin ïaka nongrim kaba skhem kaba i don, namar ba ka spah kam lah ban thied duh ne pynbiej ïa ka mynsiem ban ieid ïa la ka tynrai bad ri kyndong ïa la ka jong ka khyndew ka shyiap tang ha ka shi khyllipmat khlem pat skhem ka pateng bad ki khun ki ksiew jong i, u lah ai ruh ka jingsneng jingkhraw ia ki dkhot ka KSU Nongjri Unit ba kin long ki dkhot kiba sngewrit bad iaineh ha ka nongrim na bynta ka Jaidbynriew lyngba ka KSU.