Mynta ka step 19tarik Jylliew 2021ka Khasi Students' Union Namdong Area Unit haka jingïalam u President Samla Chanbor War General Secretary u Samla Juhhi Tariang ryngkat katto katne ngut ki dkhot jong ka Seng hala i bor i barit kala ïoh ban noh synñiang da u khaw, Dai, Umphniang bam sha ki katto katne ki longïing haka shnong Namdong B bad Mukhnang kum shi bynta ban kyrshan lem iaki para doh para snam kum ha kane ka por ba ki kynduh jingeh. 

 Hashwa ka jingsam ïa kitei ki marbam kala don ka jingïalang ba lyngkot bala ïadon ryngkat lang ki nong pynïaid shnong Namdong B kita naduh u Assistant Waheh Shnong Bah P.Ksoo bad ki dkhot Nongkitkam jong ka shnong,la pynïaid ïaka jingïalang da u Organising Secretary u Samla Bhabok Sungoh bad la ïoh ïaka jing kren na u General Secretary Samla Juhhi Tariang u la ong kum ka Seng watla hala i bor i barit kala pyrshang katba lah ban ïarap synñiang ïaki para doh para snam da ki marbam kum ha kane ka por ba hiran ka pyrthei bym ioh shuh ban leit trei leit ktah bad ban bylla ban sngi bad kane kala ktah shibun eh ïa kito kiba ju im da kaba bylla mynsngi bad bam noh da miet,kumta u la ong ba naka liang Seng kan pyrshang ban wad ki lad ki lynti ha kaba ngin ïoh ban ïarap ïaki para doh para snam ba kin lait na ka ïapthngan ne ka thiah jingit.

 Hadien ka jingkren na utei u Samla nongïalam la ïoh ruh ïaka jingkren na u Assistant Waheh Shnong u bala ai khublei ïaka KSU Namdong Area Unit bad ïaka KSU hi baroh kawei bad lyngba jong ka ki Paidbah jong ka dong ka thaiñ kila ïoh shibun ki jingïarap,shuh shuh u la kyntu ïaki Paidbah ban ïatreilang naka bynta ban ïakhun bad ban ïada ïaka jingpur stet jong kane ka khlam kaba wan lyngba u khñiang jingpang Coronavirus (COVID-19).

  Khatduh naka ka liang jong ka Seng lyngba jong kane ka sngi ka kyntu ïaki para doh para snam kiba don lad ha kum kane ka por ki dei ban mih lang shakhmat ha ka ban iarap synñiang lem sha kito kiba don kam ïaka jingïarap.