Ka Khasi Students' Union (KSU) Tiehsaw Unit bad ka jingsynran lang jong ka KSU Nongstoin Circle ha 19 tarik Lber ka la leit ban buh ia ka memorandum ha kaba iadei bad ka developmental issues jong ka shnong Tiehsaw. Na ka liang jong u President u Samla Comingstar Kharsyntiew u la pynpaw ha kaba iadei bad ki katto katne ki mat ba la buh hapoh ka dorkhas. U la pynpaw ba ka jingkieng kaba pyniasoh ia ka shnong Tiehsaw bad ka Shnong Pyndenglawar ka la sah teng mynta la kumba ar phew snem naduh u snem 2002 bad haduh mynta mynne kane ka jingkieng ka dang ieng sah tang uwei u paia. 

Ha kaba iadei bad ki surok shnong kiba la jot rathai, hadien ka jingiakynduh ia u MLA, ka seng ka la sngewhun ban ioh sngew ba khlem slem shuh yn sa pyntreikam noh ia kine ki surok. Ka jingsniew jong ki surok ka la ktah palat khamtam ia ki khynnah skul namar ha ka por tlang ka dap da ka pum pum bad ha ki por lyur ka dap da ka ktieh. Ka seng ka pynpaw ruh ha kaba iadei bad ka jingshlei um khah khah ha ki bnai lyiur kaba ktah ia ki khynnah skul bad ki longing longsem kiba don ha jan jong ka. Ka seng ka pyni ruh ba la donkam ban tei ia ki retaining wall bad ki Nala kiba biang khnang ban teh lakam ia ka jingshlei um. 

Ka seng ka khmih lynti ruh ba lyngba kane ka sienjam kan wanrah ia ka jingseisoh na ka bynta ka bha ka miat, ka suk ka sain jong u paid nongshong shnong bad ki khynnah skul ruh kumjuh.