Ka Khasi Students' Union (KSU) Mawshynrut Circle lyngba ka KSU Mawtynrong unit ha ka 28 tarik  naitung 2021 hapoh ka jingialam jong U Samla  Drewlantis Iawphñiaw Vice President bad U Samla Meswell Lyngkhoi General Secretary  lem bad ki dkhot ka la ioh ban sam da ki  marbam sha ki  longïing kiba shem jingjynjar ha kum ka ne ka por namar ka jingwan lyngshop biang u khlam covid 19 . 

Ha  katei ka sngi la ia don lang ruh u Sordar Jong ka shnong Lum diengson  bad ki riew rangbah Jong ka shnong . Haba ai jingkren ha katei ka sngi ka KSU Mawtynrong unit lyngba U Samla Messwell Lyngkhoi uba dei U General Secretary U la ai khublei kyrpang iaka KSU Mawshynrut Circle kaba ju kyrshan iaka naka por sha ka por bad ka jingkloi jong ka ban iarap iaki kup shilliang- ki sem shilliang haka dong - ka thaiñ,  hakajuh ka por U la ong ruh ba ka jingiarap ka lah ban long khyndiat hynrei kum ki Nongialam kim lah ban shuh sngap bad shong kli kti haba ki Paradoh- Parasnam ki iakynduh jingeh hynrei kin iai ksaid ban kyrshan lem ha kum kine ki khep jingeh kaba la khanglad iaki Nongbylla sngi namar u khlam covid 19 . 

Shuh shuh u la ong ruh ka ka seng kan iai don ha syndah bad ki Paradoh- Parasnam kiba kynduh jingeh bad kan iai iarap ha I bor barit jong ka bad u la kyntu ruh iaki Riew Rangbah ka thaiñ ba im sngi bad kotbor ka kin snoh kti lem ban kyrshan iaki Paradoh kiba shem jingjynjar bad donkam jingiarap shisha bad ka kyntu ruh ia U Nongmihkhmat ban phai khmat lem iaki lanot ba shem jingjynjar ha kum kine ki khep. 

Ha katei ka sngi na ka liang jong U Sordar ka Shnong lumdiengsong haba ai jingkren ula kyntiew burom iaka KSU baroh kawei kaba ju kyrshan iaka Ri bad jaitbynriew ym tang ha madan hynrei ha baroh ki liang lyngba shibun ki kam babha jong ka bad u la kyrkhu - kyrdoh ruh ba kan nang ioh bor khnang ba ka jaitbynriew kan dang iai neh .