Ka  Khasi Students' Union (KSU) Mawshynrut Circle hynnin ka sngi ka 13tarik Naiwieng 2020 kala ïoh sa shisien ban pynlong bad pynkup burom ïaki Samla pule ba pass bha ka thaiñ da ka Maitshaphrang Academic Award kaba khatlai (13) ha Riangdo Auditorium hall bad ha katei ka sngi U Bah Gigur Marthong MLA/MDC ka thaiñ Ula long kum U kongsan bad U Samla Raymond Kharjana Education Secretary KSU Sengkmie U la long U Symbud kongsan. 

       Ha katei ka sngi la pynïaid ïaka jingïalang da U Samla Ulysis Ryntong General Secretary KSU Mawshynrut Circle bad la ïoh jingkren nyngkong na U Samla Armstrong Sohshang President KSU Mawshynrut Circle, Samla Rishotskhembor K.Bani General Secretary KSU West Khasi Hills District Unit,Samla James Hitler Mawphñiang Assistant General Secretary KSU Sengkmie. 

Haba ai jingkren U Samla Raymond Kharjana Symbud kongsan ha katei ka sngi U la pynpaw bad kyntu ruh ïaki Samla pule ka jylla ba ki dei ban long kiba minot haka jingpule bad ban jied ruh ïaki shnat pule katkum ka bor lajong ym dei ban shu jied lane bud paralok namar ka wan rah jingeh hadien- habud ula ong.

  Shuh shuh ula ban ba ka jingpule kadei kawei ka lynti ban khang lad ïa kiwei ki Jaidbynriew ban synshar lane pynïaid ïaka Ri khasi namar haduh mynta mynne ngi dang shah khyrwait shabi ha kiwei pat ki dur khmat kiba ngim ithuh u la ong bad shuh shuh u la ong ba ngi dei ban ngam jylliew ba ban ïada ïaka Ri bad ka Jaidbynriew ka jingpule kadei kawei ka atiar bakor katkum ka juk ba mynta pynkut ka kyrwoh. 

  Haba ai jingkren U MLA/MDC Bah Gigur Marthong U la ai khublei ïaka Seng ha kaba kala lah ban pynlong ïa kum kine ki program kiba ai mynsiem shikatdei eh ïaki Samla pule bad ïaka jinglah jong ka seng ban ïeng Rangbah ban ïada ïaka Ri bad Jaidbynriew. 

  U la pynpaw ruh ha katei ka sngi ba kum u Nongmihkhmat ka thaiñ Un pyrshang ban kyntiew ïaki jaka pule khnang ba ki Khynnah Pule kiba mynta kin nym donkam shuh ban kiew shaduh sha Shillong ne shabar jylla. 

 Ula pynpaw ba um kwah shuh ïaki khynnah ba mynta kin jynjar kumba jynjar ma u haki juk mynshwa bad un ïai ksaid ban pynkylla khnang ba ka dong ka thaiñ kan phyrnai U la ong.

           La pynbud ïaka program da ka jingrwai ki kynhun ki Samla ka KSU Mawtynrong Unit bad la ïadon Ryngkat bad sakhi ïa katei ka lympung da ki Kmie ki kpa Ki nongïoh khusnam,Ki Riew Pawkhmat ka thaiñ, Samla James Hitler Mawphñiang Assistant General Secretary KSU Sengkmie,Samla Mixstarwell  Samakha Finance Secretary KSU West Khasi Hills District Unit, Samla Franklin Syiemïong uba dei U President Nongstoiñ Circle  bad Education Secretary West Khasi Hills District Unit ,Samla Wanbhakupar L.Nonglait Vice President KSU Nongstoiñ Circle ,Nongialam ka KSU Mawshynrut Circle bad ki Nongïalam jong ki Unit bapher bapher ha hap hapoh ka jylli treikam jong ka KSU Mawshynrut Circle.