Ki Symboh ummat sngewnguh kim shem labiang ban pyn ia hap tara ryngkat ki rngi ba tyngshaiñ tam ba phi la noh ha ki mawjam ka jingim jong phi, u bym lut ne jah noh na u thiar ka khana pateng ka jaidbynriew, ia u ba phi la sdang la ialam bad buh ha ngi ki longdien ka kynhun baroh kawei, ki symbai ba phi la bet kin nang iai ithuh paw bad iai saindur bad tyngshaiñ ha ki syrdeng ki tympan sur pring jong ki lyngwiar jingieid pynsyaid mynsiem ki Rympei khasi.

ki mawpun bad ki kyrdon ka lynti ba phi lam shaduh tyngkhong ïng ka sngi ka jingjop kin pynsah ia ka Maia bad yn iai kynmaw pateng la pateng katba ka sngi ka dang shat ha u Lum Shyllong.

U Dongmusa haka seng u dang sah tdem, ki jingiwbih kiba thiang jongphi bala noh ryngkat ka dohnud kin khie rasong ban ieng ka daw ka jutang hakhmat ka pyrthei kumba phi lahtheh lut khait iala ki sap bad ki snap ki bym lah pyndam shuh.

Phi la khlad hynrei hynrei phim shym lah ih pat hadien,phi lasei pat iaki babun ki Rangphawar ha madan siat thong ban thaw iaki sur jingrwai ban kynrsiew iaka mynsiem thiah iap jong ngi ba ngin soi bor bad pynlong pat ia ka Ri Jong ngi ka kper soh kper syntiew ban plie ia ki khmat ki khun ka Ri.

Haka kyntang iawai,kum ka seng Ngi phah ryngkat ka Dwai ka phirat ban phin leitsuk leitsain,bad to nang iai kyrkhu ha lynti Iaid jong ngi nabynta ban tei ia ka Bha- ka Miat ka trep u hynñiew skum.

Ngi phah ruh ka kyrwoh sngewlem sha ki ba ieid thep mynsiem,ki ba ha ïng ha sem,ki kur ki Kha ki man ki lok ki jor baroh, ngi ngeit skhem ba u Blei Trai Kynrad un nang iai pyntngen ia phi ha ryngkat ka kyrkhu kyrdoh kyrpang ia phi kiba ha iing ha sem, kiba la ri la sumar ia ka ha ki sngi ki por baroh. Ngim don eiei ban ai hynrei tang kum ka dak sngewlem nabynta jong phi, ngeit phin pdiang iakane.