Hadien ka jingpyntip paidbah naka liang ka Meghalaya Board of School Education (MBOSE) ban pynbna noh iaki Result jong ka HSSLC bad SSLC haki sngi ban wan, ha ka 29.07.2021 ka Education Cell jong ka Khasi Students' Union Central  Executive Council ka la leit ban ia kynduh ia ki Principal bad ki nongpyniaid jong ki jaka pule  (college/ university) kiba don ha Nongbah ban iakren bad buh da ka dorkhas ha kaba iadei bad artylli ki mat. 

1. Ban ailad nyngkong shwa iaki Samla Pule jong ka Bri Hynniewtrep  bad ruh ia ki nongshong shnong ba pura jong ka jylla. Kane ka long hadien ba ka seng ka shem ba kiba bun hi naki nongshong shnong ka jylla kin kiar ban leit pule shabar jylla naka ka jingsheptieng ka jingdon  u khlam jingpang covid - 19. Kumta naka Liang ka seng ka la shim iakane ka sien jam ban iakren bad ki nongpyniaid iaki jaka pule ban pyntikna ba ki paradoh parasnam kin nym shem jynjar ha ka ioh class. 

2. Ban mang kyrpang ia ki Seats naka bynta ki samla pule kiba wan naki thaiñ nongkyndong. Ka jingkhot admission da kiba bun ki jaka lyngba ka online mode khlem pep kan wanrah iaka jingeh iakiba bun ki paradoh parasnam naki thain nongkyndong namar ka jingbymbiang ka network, jingduna ki cyber Cafe bad ka jingbymnang ban pyndonkam iaki Digital payment mode, kumta ka seng ka la kyntu iaki jaka pule ba kin mang kyrpang katto katne ki seats naka bynta kum kitei ki samla pule. 

Ka jingiakren bad ki ba bun naki jaka pule kala long kaba seisoh bad ka seng ka la bthah ruh iaki Education Secretaries jong ki district unit , ki circles bapher bapher ban shimkhia bad peitngor bad ban buh da ki help desk center ban iarap bad ban pyntikna ba kin nym don ki paradoh parasnam khamtam kiba wan naki thaiñ nongkyndong ban shem jynjar hakaban ioh admission. 

Khublei shibun 

S/d 

S.Kharbihkhiew 

Vice chairman 

Education cell

KSU (CEC)