• sangot@khasistudentsunion.com
  • Jaiaw Chapel Road, Shillong - 793002

Hap husiar shwa ban leit pule ne trei sha Bangalore: KSU Bengaluru Unit

Hadien jong ka jingmih ki results jong ki eksamin bapher bapher ha Meghalaya, ka KSU Bengaluru Unit ka sngewdei ban ai kane ka kyrwoh sha baroh ki paid Khasi ban ioh jingtip ba kham bniah halor ka pule puthi bad ka trei ka ktah ki nongshong shnong na ka thaiñ shatei lam mihngi ha Bengaluru.


Kaba nyngkong ka long halor ka jingthmu ki samla Khasi ban wan bteng ia ki jingpule ki jong ki sha Karnataka khamtam ha Bengaluru ha kaba da ki spah ngut ki thep admission ha ki jaka pule bapher bapher lyngba kita ki agents kiba kam ba ki jaka pule ba ki mih khmat ma ki, ki dei kiba bha bad kiba la ioh jingithuh na ki bor sorkar. Bunsien hi, namar ka jingshida bad jingshaniah hok ki samla Khasi bad ki kmie ki kpa ki jong ki, ki mad ia ki jingeh kiba har rukom ha kaba teng teng ka jaka pule ka dei ka bym ithuh da ki councils bad ka sorkar, ka jingbym biang ka jaka sah, ka jingbym biang ka rukom ai jinghikai, ka jingshah shim kabu ha ki fees bad kiwei kiwei. Kine baroh ki buh ia ka lawei ki samla pule Khasi ha ka jingjot bad jingma kaba ktah ruh ia ki kmie ki kpa ki jong ki.


Kaba ar pat ka dei halor kito ki para Khasi kiba wan wad kam sha Karnataka ha ki kyrdan bapher bapher. Hangne ruh ka KSU Bengaluru Unit ka la ioh jingujor jan man ka por na ki para Khasi halor ki jingeh ba ki ia kynduh ha ki jaka trei ki jong ki namar kim sngewthuh ia kata ka 'Bond' bad ka 'Agreement' hapdeng ka company ba ki trei bad ma ki kum ki nongtrei.


Kumta ka KSU Bengaluru Unit ka kyntu ia baroh ki paradoh parasnam ba ha shwa ban ngeit ia kino kino ki agent ba kular jaka pule ne jaka trei ha Karnataka ki dei ban da tih bniah shwa shaphang kata ka jaka ai jingpule lane ka jaka ai jingtrei.


Shuh shuh ban bynrap, ka KSU Bengaluru Unit ka kyntu ia ki para Khasi ba lada kim ioh ki jingtip ba thikna halor kitei haneng ki lah ban kylli ne wad jingtip na ki dkhot jong ka KSU Bengaluru Unit lyngba ki dkhot jong ka KSU kiba don ha ka thaiñ shatei lam mihngi.


Lada ki paid Khasi ki don kano kano ka jingeh lane jingwad jingtip sngewbha sa contact ia ki dkhot ka KSU Bengaluru Unit lyngba ki pages jong ka ha Facebook bad Instagram


Khublei shibun


Donboklang Nongphud

President 

KSU Bengaluru Unit 


Younidame Suchiang

General Secretary 

KSU Bengaluru Unit

4 Comment(s)

  • Kabiang lada phi iabuh ki kyndon namar ki khasi jong ngi teng² ki dang ngeit bieit

    - B 02 Jun, 2023 55 0
  • Ka biang palat ba phi ai jingpynshai kumne kan iarap shibun ia ki para doh para snam jong ngi ban lait na ki jingshah shukor ba bun jait la ha ki jingpule bad ki kam ki jam. Khublei shibun ia phi KSU Bengaluru Unit, Maitshaphrang Khlur Ka Ri

    - M Mukhim 03 Jun, 2023 19 3
  • Maitshaphrang khlur ka ksu

    - S L nonglwai 03 Jun, 2023 6 0
  • Nga ruh lah dep ngad mynta u snem nga Phah refund ka pisa ruh kim treh shuh. Tang ba ngi tip pat ia ka address jong ki baroh. Lada long kaba lah sa pyniarap lem ma phi.

    - R Rasmut 03 Jun, 2023 3 3

Write a Comment

Newsletter

Subscribe to our eNewsletter to get the latest updates.

Back To Top