Ka Education Cell jong ka KSU North Khasi Hills District Unit ha ka 21 tarik Nailur 2023 kala leit ban pynkup burom ia I Kong Lakyntiew Syiemlieh ha ing sah jong i ha lum Umpih i ba la pyndep iaka  kyrdan pule Jong i haka Bachelor of Arts Khasi Honours i bala don iaka rta 53 snem. I la lah ban pyndep ia ka jing pule Jong i haka skul St.Michael College Umsning.

Ha kane sngi haka jingialam ka KSU Lawan ban don Ryngkat lang u Samla James H Mawphniang u ba dei u General Secretary jong ka North Khasi Hills District Unit , Samla Banjop Maring  u ba dei u Education Secretary bad ha jingdon ryngkat lang jong u  Samla Toning Lapang Assistant Education Secretary bad kiwei  kiwei  ki nongialam.

Haba ai jingkren na ka liang jong u James Mawphniang u la kren ha ki kynnah samla ki khynnah rit jong ka dong ka taiñ jong ngi hapoh ka jylla bad hapoh ka district hi baroh kawei ba kin bud ia kane ka nuksa Jong i Kong Lakyntiew namar mynta bun na ki khynnah samla kiba don ia ka jing duh lad ka jing kut lad bad kim shem la buh jingmut ne jingpyrkhat haka pule puthi ki ngeit ki  sngap na sha lyndet ka jing bym ioh iaki kam ki jam ki shu ai daw ka jing bym lah kiba ha ing ha sem hynrei ine i kong i pyni bad ka long ka nuksa kaba bha haba don ka jingthrang. Ym dei ban don ia ka jingduh lad, jingkut lad ne duh mynsiem hynrei dei ban trei  shitom.

Haba ioh ban ia kren bad I Kong Lakyntiew Syiemlieh I la iathuh la don shibun ki jingeh namar ka rta kala rangbah bad i hap ban peit ruh hapoh ka ing ka sem bad I dei ruh I nonghikai hapoh Jong ka skul shnong bad I donkam bha ruh ban khein kor iaka por ban lah ban pyndep ia kiei kiei  ki kam ki jam bad haka jingiaid  lynti naduh ka klass  11 haduh mynta ba i la lah ban pyndep iaka B.A (Bachelor of arts) i la shim ruh ia ka khasi honours I la iathuh ruh ba shibun  ki jingeh  ba I kynduh hynrei im shem la kynran dien  I la don ruh ka rta kaba 53 snem bad i la don ruh  4ngut ki khun bad 2ngut ki khun ksiew  bad I shong i sah ha Lum Umpih .