Ka Khasi Students' Union Nongthymmai Circle hapoh ka jingialam u General Secretary Samla Riban Nongrum bad Vice President Samla Richard Mawkhiew ki la pynkup burom ia i samla Lapynkhamti Kharkongor i ba la ioh iaka kyrdan ba 11 haka SSLC exam ba dang shu pynbna shen ha ophis treikam jong ka Circle myn haka 5 tarik u Jylliew 2023. La iadon ryngkat ruh ki nongialam jong ka Circle naduh u Education secy samla Banker Mukhim, Finance secretary Samla Donsngi Nongdhar, Assistant General Secretary Samla Aibor tariang bad Publicity Secretary Samla Teibor warjri.

Haba kren ha i jingialang ba lyngkot ba la pyniaid da u samla Riban Nongrum General Secretary ka circle,u Vice President ka KSU Nongthymmai Circle samla Richard Mawkhiew u la pynkynmaw ia i samla Lapynkhamti ba in duriap bad minot thop haka jingpule khnang ba in lah ban poi ka ka thong ba i thmu. U la pynkynmaw ruh ba la bun tylli ki snem ki paradoh parasnam jong ngi khlem don shuh ba pass iaka Civil Service Exam bad kumta u la kyntu ia ki samla ban pynleit jingmut ha kane ka kam khnang hadien habud ngin sa ioh ban shynshar da lade ia lade,u ne u nongialam u la ong ruh ka seng kam myn shongthait ban ithuh bad pynkup burom iaki samla ba trei shitom khnang ban pynshlur shuh shuh iaki bad iakiwei pat ban trei shitom.

      Hadien kane ka Circle ka la hiar pat sha shnong Pomlakrai ban pynkup burom ia u samla Khamkhraw Kupar Sohtun u samla ba don jingduna haki dkhot met bad u ba thoh daki kjat ,u la pass bha iaka exam SSLC haka 2nd division. Haba kren ha i jingialang ba lyngkot ha iing sah u tei u samla ba la pyniaid da u samla Banker Mukhim Education secy KSU Nongthymmai circle u samka Riban Nongrum General Secretary ka Circle u la pynpaw ka jingkmen kaba khraw haba ka seng ka ioh ban wan pynkup burom ia une u samla ,wat lada u thoh daki kjat ruh phewse ka jingthrang ban trei shitom bad ban jop iaka thong ka iai kyrsoi haka dohnud jong u haduh ba in da pass bha .U la kyntu iakiwei pat ki samla ba biang ka dkhot met ban shim iaka nuksa u samla Kham khraw Kupar ban minot bad duriap haki jingpule ban wanrah iaka nam iaka iing ka sem ka shnong ka thaiñ bad khamtam eh iaka Ri bad ka jaitbynriew hi baroh kawei.

La synran lang iaki nongialam ka KSU Nongthymmai circle da ki dkhot jong ka KSU Laitkor bad KSU Mawsing unit.