• sangot@khasistudentsunion.com
  • Jaiaw Chapel Road, Shillong - 793002
#

BYM BUROM IAKA SNGI KYRPANG I REV. THOMAS JONES LEIT KHANG KA KSU WEST KHASI HILLS IAKI BANK HA SOR NONGSTOIN

Ka Khasi Students' Union West Khasi Hills District Unit ha ka jingialam u samla Biangboy Sangriang Sports secretary ka KSU WKHDU hadien bala ïoh jingtip ba ki bank kim burom ia ka sngi kyrpang u Rev. Thomas Jones (U kpa ki dak thoh Khasi) ha kaba ka sorkar ka la ithuh kum ka state holiday, ka seng marmar ka la leit ban jurip ha baroh ki bank ki ba don hapoh ka sor Nongstoin bad ka la lap ba baroh ki bank ki plie bad kane ka pynpaw ïa ka jingbymburom jong ki bank ïa ka sngi khraw jong ka bri u Hynñiewtrep, ( Kum ban pynkynmaw ba na ka por sha ka por kine ki bank kim ju burom ïa ki shuti jong ka jylla jongngi ba kynthup ïa ka Shad Suk Mynsiem, Seng Kutsnem bad kumta ter ter).


Kumta ka seng kam banse ban phah khang noh ïa kitei ki bank ki ba kynthip 1) Meghalaya Rural Bank, State Bank Of India, HDFC, Canara Bank, Central Bank of India bad North East Bank. 


Bad ka la kynruh ïa ki Branch Manager (BM) ba la da don kino kino ki shuti ba la ithuh da ka sorkar hapoh ka jylla, ba kidei ban burom bad kim dei ban plie bad ruh ki dei ban wad jingtip ïa baroh ki jingleh Niam bad ki sngi khraw jong ka bri u Hynñiewtrep khnang ba ki lah ban pyntip ïa ki bor bahalor jong ki bank ba ki trei.

0 Comment(s)

Write a Comment

Newsletter

Subscribe to our eNewsletter to get the latest updates.

Back To Top