Ka Khasi Students' Union Nongkrem Circle ha ka step jong ka 21tarik Lber 2023 hapoh ka jingïalam u General Secretary ka Jylli U Samla Ïaishah Warkhyllew kala leit sngewlem bad ban ai mynsiem ïaka longïing jong i Kong Ertina Kurbah kaba don ha ka shnong Ur Masi U Joh ha kaba u khun ksiew jong i u la shah bthat noh ïala ka jingim ba kordor haki kti thrang snam jong U Kpanah jong i, u bym don shuh ïaka mynsiem ïa tiplang bad sngew para mynsiem. Halor katei ka jingjia na ka liang ka Circle kala pynrem jur ïa utei u Kpanah bad na ka liang ka Seng kala ban jur ruh ïaki bor jong ka aiñ ba kin pyn shitom jur ïa utei u briew u bym don shuh ka mynsiem isynei wat ïaki khyllung khynnah ruh. Kane ka jingbom jingshoh jong utei u Kpanah kat haduh ba kan da pynlong ïa utei u Heprit ban duh noh ïala ka jong ka jingim kala pynpar ñiangkhriat ïaka Shnong ka thaw bad ïaka dong ka thaiñ hi baroh kawei, kumta lyngba kane ka Kyrwoh naka liang jong ka Seng ka phah ïaka Khubor sngewlem sha baroh kito kiba don ïaka jing ïadei kaba jan bad utei u Heprit uba la ngat ha kaba kum katei ka apot.