Ka Khasi Students' Union RIST-USTM Unit hapoh ka jing ialam u President u samla Nestalcalvin Thongni ha ka 18 tarik jong u bnai Naiwieng ka la ioh ban khublei kitbok kit rwiang ia ki samla pule ka skulbah USTM ki ba lah ioh rung ha ka All India Inter-University Basketball ka ban sa long ha ka 30 tarik kyllalyngkot 2023 ha Haryana 

U President haba kren bad ki nong lehkai u la ong ba wat la ki samla pule khasi ki don tang 1/4 bynta hapoh ka skul bah, hynrei ka long kaba sngewtynnad shibun eh ban iohi ba ki Samla khasi jong ngi ki la ioh ka lad ban ia shim bynta ha katei ka lympung lehkai.

Ka seng ka ai khublei ruh ia ki coach bad ia baroh ki samla lehkai ki ba la lehkai bha ha ka Inter-University Basketball East zone ba la pynlong hapoh ka skul bah USTM naduh 13 tarik haduh mynta ka sngi ka 17 tarik Naiwieng 2022

Ka seng ka kibok ia Baroh ki samla lehkai ba kin poi sha ka thong bad ruh ba kin long ka nuksa sha ki para samla ka bri u hynniewtrep ba kin nang ioh mynsiem shuh² ban mih shakhmat.

Kane ka long ka kyrwoh na u Samla Batiplang Khyriem

Publicity Secretary

KSU RIST-USTM Unit