Ka Khasi Students' Union, Education Cell jong ka Central Executive Council hapoh ka jingialam u Samla Raymond Kharjana, Education Secretary, KSU CEC, hynne ka sngi ka 14 tarik u Naiwieng 2022 ka la leit ban ia kynduh ia u Ambrose C H Marak (IAS) u ba dei u Secretary ka Education Department jong ka Sorkar Jylla hadien ba ka seng ka lah ioh ia ka jingujor halor ka jingbym ioh ryntih lut jong ki khynnah pule ia ka bai bam (scholarship).

Hakaba iadei bad ka mat Bai bam ki samla pule ka seng haka jingbuddien ka Jong ka naduh ba ka la iohsngew iaki jingud jingnam Jong ki samla pule ka jylla, ka la ioh iaka jingkular naka department ban pyllait ia ka Bai bam ha u taiew banynygkong Jong u bnai naiweng hynrei hadien ba ka sorkar jylla kam shim la lah ban pynurlong iakane ka kam, ka seng ka la thmu ban shim iaka sienjam ban khang lad iaka jingwanplie jong u Myntri Rangbah ka Sorkar Jylla u Conrad Sangma iaka North East Olympics hapoh Skul Bah NEHU kum shibynta ban pyrshah ia ka jingbym pyllait ka Sorkar Jylla ia ka Mang pisa na ka bynta ka baibam ki Samla Pule. Hadien ba ka sorkar ka Ioh jingtip iaka jingthmu Jong ka Seng lyngba ki tnat syntiak mar mar ha ka miet Jong u 09.11.2022 ka la pynbna paidbah ban pyllait noh iaka Bai bam ki samla pule.

Ha ka jingiakynduh mynne ia u secratary ka tnad pule puthi ka jylla ka Seng ka la pynpaw ia ka jingeh bad ka jingkulmar jingmut ki samla pule hadien ba la don ka jingpynmih ia ka jingbthah da ki katto katne ki riewshim kabu ha ki rynsan Social Media dakaba bthah ia ki Samla Pule ki bym pat ioh iakane ka baibam ban leit mih sha office treika Jong ka Director of higher and technical education ha ryngkat ki bank passbook bad kiwei ki ki kot ki sla.

U Secretary ka tnad pule puthi ka Sorkar Jylla haba ioh sngew iakine ki jingeh mardor u lah kular ban shim khia mardor bad ban pyntikna iaka jingioh ba dei hok ka jongki samla pule iakane ka bai bam,bad naka liang ka seng ka la kyrpad iaka department ban pynmih da jingpynshai paidbah hakaba iadei bad kane ka bynta khnang ban lait na ka jing shah Ialam bakla jong ki riewshim kabu ha ki rynsan Social Media na ka liang jong u la kular ban pynmih ia ka jingpynshai kaba na ka Department ka ban khanglad iaka jingialam bakla ia ki Samla Pule da ki riewshimkabu.

Halor ka kynrum kynram jong ka William Carey University, Shillong kum ba lah paw ha ki lad pathai klumar halor ka pymih tuh ia ki Sertiphiket thok jong ki kyrdan pule ba pher bapher daki katto ki briew hapoh ka Jylla Uttarakhand, ka ba lah wanrah iaka jingbym shngaiñ shuh ki Samla kiba pule hakane ka Skul Bah, ka Seng haka jingiakynduh ka lah dawa ban buh mardor iaka kynhun tohkit bad ban pynshitom iaki ba donkti hakane ka kam. 

Halor kane ka bynta u Secretary ka Tnad pule puthi u la pynpaw ba ka kynhun tohkit jong ka Meghalaya Private Universities Regulatory Board ka la shimkhia iakane ka bynta bad kumjuh ka bor jong ka aiñ kan sa leh iakaba donkam iaki ba donkti iakane ka kam.

Ka seng ka la pyrshang ban iakynduh ruh iaki nongpyniad Jong ka William Carey University hynrei khlem shym Ioh namar ba ki nongpyniad ki don hapdeng ka jingialang.