Hadien ba bun ki khynnah pule ki dang sah ha ka kulmar jingmut ha kaba iadei bad ka jingpyntreikam ka Education department ban siew iaka scholarship sha ki khynnah pule,sa shisien pat ka Education cell jong ka KSU sengkmie haka 21.11.2022 kala leit wad jingtip biang naki bor ba dei peit ban ioh jingshai shuh shuh halor ka jingkulmar jingmut jong ki samla pule ki bym pat poi ka scholarship jong ki

Na ka liang ki bor ba dei peit ki lah kubur ba ka dei shisha ba ki dang don kiba samla pule ki bym shym la Ioh iaka Bai bam haduh mynta myne bad ki naka liang ka Jong ki la pynpaw ba ki don katno katne ki jingpynbeit naka liang ka department bad kumjuh ruh naka liang ki samla pule kum ka jingpynbiang iaki KYC bad kiwei kiwei bad naka liang ka department kan pyrshang ban pyndep iakane ka kam hashwa ka 02.12.2022 bad hakajuh ka por pat ki samla pule ki bym Ioh wat hakatei ka tarik kim dei ban don kano Kano ka jingsngew artatien ne jingsheptieng namar ba ka lah ban dei na ka daw baka jingpoi iaki baibam kalong katkum ka jingtreikam ki kor ki bor (automated) ka juk mynta bad yn pyrshang ban sdang biang ban phah tad haduh ban da lah ban pynpoi sha iwei pa iwei i samla pule ba dei hok ban Ioh.

   Ka KSU ka pynsngew sha ki bor ba dei peit ban kham trei shitom khnang ba ka jingioh kan long salonsar iaki ba dei ioh,ym ban noh shilliang bad lada ka long kumta ka seng kam banse ban hap shim daki sienjam ba kham tyngeh hakaba iadei bad kane ka kam.